स्वास्थ्य केन्द्रमा उपकरण सामान अलपत्र

cezene

जोहाङ्ग, -गुल्मी, जेठ १५ - सञ्चालन गर्ने प्राविधिकको नभएकाले यहाँको जोहाङ्ग गाविसको प्राथमिक स्वास्थ्य केन्द्रमा लाखौं मूल्यका उपचारमा प्रयोग हुुने उपकरण सात वर्षदेखि अलपत्र छन् ।क्षेत्रीय मेडिकल स्टोर बुुटवलले खरिद गरी पठाएको १ लाख १२ हजार रुपैयाँको अप्रेसन टेबुुल जडान गर्ने मेकानिक नभएका कारण २०५७ साल देखि फोहोर राख्न प्रयोग हुुँदै आएको छ ।
त्यसै बेला पठाएको औजार निर्मलीकरण गर्ने यन्त्र -इलेक्ट्रीक स्टेरीलाइजर) पनि प्रयोग गर्ने व्यक्तिको अभावमा त्यसै अलपत्र परेको छ । दुुवै सामान २०५७ सालमा क्रमशः १ हजार ६ सय र १ हजार २ सय अमेरीकी डलरमा खरिद गरिएको थियो ।
अप्रेसन थिएटरमा टेबुुल जडान हुुन नसकेपछि केन्द्रले साधारण टेबुुलबाट कार्य संचालन गर्दै आएको छ । तर अस्पतालको एउटा कुुनामा फोहोर थुुपार्ने कन्टेनरका रूपमा उक्त टेबुुल अलपत्र अवस्थामा छ ।
'अप्रेशन टेबुुल जडानका लागि दिल्लीबाट मेकानिकल आउनुुपर्ने हो ।' निमित्त बनेर केन्द्र सञ्चालन गर्दै आएका सिनियर हेल्थ असिस्टेन्ट बसन्त श्रेष्ठले भने, 'जडान नहुुँदा र प्राविधिक समेत नभएकाले प्रयोगमा आएको छैन ।'
त्यस्तै इलेक्ट्रीक स्टेरीलाइजरको सट्टा केन्द्रले स्टोभमा सामान्य ड्रममा पानी उमालेर औजार निर्मलीकरण गर्दै आएको पनि श्रेष्ठले बताए । केन्द्रमै रहेको ल्याव टेष्ट गर्ने माइक्रोस्कोपको समेत बत्ति फ्युज गएको एक महिना बित्न लागेपछि मर्मत हुुन सकेको छैन । टेक्निसियनले नजिकै बिजुुलीको बल्ब बालेर काम चलाउँदै आएका छन् ।
दैनिक १५/२० जना विरामी आउने उक्त केन्द्रमा डाक्टरको दरवन्दी भने रिक्त छ ।

hydatidcyst · 12:52 PM

यस्तै हो हाम्रो देशको सरकारी स्वास्थ्य संस्थाहरु । यो त एउटा उदाहरण मात्र हो । यहाँ त जम्मा अप्रेशन टेबल मात्र काममा नआएको रहेछ, जिल्लामा हेर्न गयो भने कति ठाँउमा fully equipped अप्रेशन थिएटर नै काममा आएको छैन । कुन ठाँउमा के सामान चाहिन्छ, के manpower चाहिन्छ भनेर थाहा नपाई non medical administration ले स्वास्थ्य क्षेत्र हेरेपछि what more can we expect. मेरो बिचारमा स्वास्थ्य क्षेत्र medical administration ले हेर्नुपर्छ । तर त्यस्मा पनि बिडम्बना के छ भने नेपालमा डाक्टरहरु पनि भ्रष्टाचार गर्न खप्पिस भइसकेका छन् । जिल्लाको DHO हुँदासाथ के medicine खरिद गर्दा कति commission र के सामान खरिद गर्दा कति commission आउछ बाहेक केहि मतलब हुँदैन । Better opinion would be medical field completely seen by medical administration and the public should audit the expenses and transparency should be maintained. हाकिम र accountant मात्र मिलेर खरिद गर्नु हुन्न ।

यहाँ जे लेखे पनि I don't think any responsible authority is gonna read this.... श्री पशुपतिनाथले हामी सबैको कल्याण गरुन् ।