KMC Principal has been shot by unidentified personnel

[Angel]

knews.jpg
Source: Kantipur Daily, May 8, 2006

[de.malady]

i am happy, Dr Dixit's health's out of danger & culprits are already identified. wow, it makes a lot of sense, hopin al those involved in this pathetic acts willb punised harsh.
stil prayin for Dr Dixit's full recovery..

[pickle]

it's good thing that those ppl were identified, lets hope that they are caught soon.. and this kind of incident dont happen again..it's a shame how ppl have lost respect for humanity , peace and love in our country...
i wish for Dr. Dixit's fast recovery and for peace among nepalese

[sarosem]

what is the condition of Dr. hemant dixit. so any one can update about him?

[CSF]

He is out of danger doing well and improving, I guess he will be discharge from the hospital tomorrow.

[sarosem]

i heard he is getting well and going home tommorow. it's a good news

[Rajiv]

जितेन्द्र साह

काठमाडौं, जेठ २७ - काठमाडौं मेडिकल कलेज तथा शिक्षण अस्पतालका पि्रन्सिपल डा. हेमांग दीक्षितमाथि गोली प्रहार गर्ने समूहका सातजना पक्राउ परेका छन् । डा. दीक्षितमाथि गोली प्रहार गर्ने मुख्य अभियुक्त भने फरार छन् । खोजी कार्य भइरहेकाले नाम नखुलाइएको प्रहरीले जनाएको छ ।
प्रहरीका अनुसार पक्राउ सातै युवा र फरार युवक जुडो एवं कराँतेका अन्तर्राष्ट्रिय खेलाडी एवं भूपू सैनिक हुन् । एक महिनाअघि डा. दीक्षित आफन्तका घर आइरहेका बेला बानेश्वर हाइटमा गोली प्रहार भएको थियो । अस्पताल व्यवस्थापनसँग मागेको दुई करोड रुपैयाँ नपाएपछि आपराधिक समूहले दीक्षितमाथि गोली प्रहार गरेको थियो । उक्त समूह सिंगापुरबाट सञ्चालित एक आपराधिक गिरोहबाट निर्देशित रहेको अनुसन्धानबाट खुलेको छ ।
गिरोहका नाइके सन्दीप पाठक हाल नयाँदिल्लीमा लुकेर बसेको उपत्यका अपराध अनुसन्धान शाखाको दाबी छ । पाठकले राजधानीमा फिरौती असुलीका लागि स्थानीय युवाका आठ आपराधिक समूह गठन गरेको प्रहरीले जनाएको छ । यसबारे नेपाली सेनाले पनि छुट्टैै अनुसन्धान गरिरहेको स्रोतले बतायो ।
अस्पताल व्यवस्थापनलाई धम्क्याउने क्रममा साढे तीन महिनाअघि अस्पतालका चिकित्सक डा. बीबीएस राणामाथि पनि गोली प्रहार भएको थियो । चिकित्सकमाथि भएका शृंखलाबद्ध आक्रमण हुन थालेपछि सरकारले सुरक्षाकर्मी उपलब्ध गराएको छ ।
प्रहरीका अनुसार नयाँदिल्लीमा लुकेर बसेका सन्दीपबारे गृहमन्त्रालयमार्फत भारतलाई जानकारी गराई पक्राउ प्रक्रिया अघि बढाइनेछ ।
दाइ र भतिजको हत्यारा पक्राउ
यसैगरी सामाखुसीमा डेरा लिएर बसेका मासु व्यापारी भूगोल श्रेष्ठ र १२ वषर्ीय समीरको हत्या गरेको अभियोगमा अनिल बस्नेतलाई शुक्रबार राति प्रहरीले पक्राउ गरेको छ । अनिल भूगोलका भाइ हुन् । अनिलले मनमुटावका कारण बिहीबार मध्यराति दाइ र भतिजको गर्दन रेटेर हत्या गरेका थिए । हत्यापछि उनी गोरखा पुगेका थिए ।
अनिलले गाउँ पुगेर दाइ र भतिजलाई गुण्डाहरूले मारेको भ्रामक प्रचारसमेत गरेको प्रहरीले जनाएको छ । त्यहाँबाट शुक्रबार साँझ फर्केर आफैंले ताल्चा खोली दाइ र भतिजको कसैले हत्या गरेको भन्दै घरबेटी, छरछिमेक एवं प्रहरीलाई खबर गरेका थिए ।
आफन्तजनले सौतेलो भाइ अनिलको दाइ भूगोलसँग राम्रो सम्बन्ध नभएको प्रहरीलाई जानकारी दिएका थिए । त्यसपछि प्रहरीले हिरासतमा लिएर रातभरि सोधपुछ गरेपछि उसले आफैंले हत्या गरेको स्विकारेको हो ।
प्रेमिका हत्यारा अझै फरार
प्रेमिकाको हत्यामा संलग्न धादिङ धुवाकोट-१ का २३ वषर्ीय टीकाराम तामाङलाई प्रहरीले पक्राउ गर्न सकेको छैन । तामाङले स्वयम्भू बस्ने प्रेमिका १९ वषर्ीया सिर्जना तामाङको शुक्रबार बिहान नयाँबजारस्थित पियुडी साइबर क्याफेभित्र हत्या गरेका थिए ।
उनी डेढ वर्षदेखि सोही क्याफेमा कार्यरत थिइन् ।

[Alpine]

अन्तर्राष्ट्रिय गिरोहको निर्देशनमा आक्रमण
कान्तिपुर

काठमाडौं, जेठ २९ - काठमाडौं मेडिकल कलेज तथा शिक्षण अस्पतालका पि्रन्सिपल डा. हेमांग दीक्षित र डा. वीरवाहन जबरामाथि 'इन्टरनेसनल स्पाइडर ग्रुप' का गिरोहले फिरौती असुलीका लागि गोली प्रहार गर्न लगाएको खुलासा भएको छ । गिरोहको निर्देशनमा सक्रिय स्थानीय आपराधिक समूहले पुस ४ मा अस्पतालअघिल्तिर डा. वीरवाहन र वैशाख २१ मा नयाँ बानेश्वर हाइटमा डा. दीक्षितमाथि गोली प्रहार गरेका थिए ।

मलेसिया र सिंगापुरबाट उक्त गिरोहले दक्षिण एसियामा विशेष जालो फैलाएको प्रहरीले जनाएको छ ।

उपत्यका अपराध अनुसन्धान शाखाले अन्तर्राष्ट्रिय गिरोहको निर्देशनमा काम गर्ने नौै जनालाई राजधानीका विभिन्न स्थलबाट डेढ सातायता पक्राउ गरेको छ । तीमधये सात जना गोली प्रहारमा र दुई जना चन्दा असुलीमा संलग्न रहेको शाखाले जनाएको छ ।

शाखाका एसपी केशव अधिकारीका अनुसार गोली प्रहारमा संलग्न धनुषाका गणेश कार्की, झापा गौरीगन्जका सन्तोष खडका, गोरखा देउरालीका रामचन्द्र खनाल, मझुवा देउरालीका मानबहादुर कार्की, नाम्जुङका झलक बस्नेत, चितवन रत्ननगरका प्रकाश क्षेत्री र पञ्चकन्याका गणेशजंग घिमिरे संलग्न रहेको पाइएको छ ।

प्रहरीले अभियुक्त कार्कीबाट गोली प्रहारमा प्रयोग भएको बा९प २९१२ नम्बरको सीबीजेड मोटरसाइकल बरामद गरेको छ । अर्का अभियुक्त खडकाबाट ५० हजार नगद, छालाको दापसहितको छुरी, मोबाइल, चन्दा उठाउन प्रयोग गरेको बा११प २५४९ नम्बरको मोटरसाइकल र हेलमेट बरामद भएको छ ।

सोही गिरोहको इसारामा चन्दा असुलीमा संलग्न ओखलढुंगा गाम्नाङका होमबहादुर खत्री र उनकै भाइ जितबहादुरलाई पक्राउ गरिएको एसपी अधिकारीले बताए । होमबहादुरबाट प्रहरीले ५० हजार, चन्दा उठाउन प्रयोग भएको बा१०प ११५७ नम्बरको मोटरसाइकल र मोबाइल बरामद गरेको छ ।

अन्तर्राष्ट्रिय गिरोहका नाइके सिन्धुली कमलामाईका सन्दीप पाठक नाम बताउने ३१ वषर्ीय मिलन लामा, हतपते गाविसका आकाश केसी र माइस्थान बस्ने जोन भन्ने केदार श्रेष्ठ फरार रहेको उनले बताए ।

शाखाका अनुसार विगत डेढ वर्षदेखि आफूलाई 'इन्टरनेसनल स्पाइडर ग्रुप' का नाइके बताउने पाठकले अस्पतालमा पटकपटक फोन गरी करोडौं चन्दा माग्ने र नदिए ज्यान मार्ने धम्की दिँदै आएका थिए ।

पाठकको मुख्य रूपले सिंगापुर र मलेसियामा आवतजावत छ । प्रहरीका अनुसार पाठकको अन्डरवल्र्ड डन दाउद इब्राहिमसँग समेत नजिकको सम्बन्ध छ । हाल नयाँदिल्ली रहेका पाठकबारे इन्टरपोलमार्फत भारतीय प्रहरीलाई जानकारी गराइएको एसपी अधिकारीले बताए ।

उक्त समूहले राजधानीमा सुराकी गर्ने, चन्दा उठाउने र हतियार चलाउने अलग अलग आपराधिक समूह सञ्चालन गरेको प्रहरीले जनाएको छ ।

एक समूहबारे अर्को समूहलाई जानकारी नदिई पाठकले विदेशमा बसेर चन्दा असुली धन्दा चलाएको प्रहरी अनुसन्धानमा देखिएको छ ।

पक्राउ परेकाहरूले एकअर्कालाई नचिने पनि कोड र संकेतका आधारमा काम गर्दै आएको बताएका छन् । उठाइएको रकमको ५ देखि २५ प्रतिशत आफूहरूलेे पाउने गरेको अभियुक्तहरूले कान्तिपुरलाई बताए ।
एक महिनादेखि उपत्यकामा सक्रिय पाठकको निर्देशनमा सञ्चालित समूह विभिन्न मेडिकल कलेज, संघसंस्था तथा म्यानपावर कम्पनीसँग अवैध चन्दा माग गनर्ेे कार्यमा संलग्न रहेको प्रहरीले जनाएको छ ।

विभिन्न पीडित पक्षले प्रहरीमा दिएको सूचनाका आधारमा उक्त गिरोहले हालसम्म राजधानीबाट मात्र ५० करोड ७७ लाख रुपैयाँ संकलन गरेको देखिएको छ । ज्यान जाने डरले पीडित आधाभन्दा बढीले प्रहरीसमक्ष आउन नचाहेको अनुसन्धानबाट खुलेको छ ।